ਅੱਜ-ਨਾਮਾ
ਰਾਂਝਾ ਕਹਿੰਦਾ ਪ੍ਰਧਾਨ ਨੂੰ ਸੁਣੀਂ ਸਾਹਿਬਾ,
ਲਾਰਿਆਂ ਨਾਲ ਨਹੀਂ ਐਵੇਂ ਟਰਕਾ ਸਾਨੂੰ।
ਕੁਝ ਹੈ ਦੇਣਾ ਦਿਵਾਉਣਾ ਤਾਂ ਦੇਹ ਸਿੱਧਾ,
ਨਿੱਤ ਦਿਨ ਨਵੀਂ ਬੁਝਾਰਤ ਨਾ ਪਾ ਸਾਨੂੰ।
ਮਲਾਈਆਂ ਚੱਟਣ ਆ ਜਦੋਂ ਸ਼ਰੀਕ ਲੱਗੇ,
ਐਵੇਂ ਈ ਫੋਕੇ ਨਹੀਂ ਵਰਤ ਰਖਵਾ ਸਾਨੂੰ।
ਬੰਦੇ ਟਕੇ ਦੇ ਜਿਹੜੇ ਨਹੀਂ ਗਿਣਨ ਜੋਗੇ,
ਬਸਤਾ ਉਨ੍ਹਾਂ ਦਾ ਚੁੱਕਣ ਨਹੀਂ ਲਾ ਸਾਨੂੰ।
ਪੱਲੇ ਤੇਰੇ ਨਹੀਂ ਕੱਖ ਵੀ ਨਜ਼ਰ ਆਉਂਦਾ,
ਕਿੱਦਾਂ ਅਸਾਂ ਨੂੰ ਮਿਲੂ ਫਿਰ ਟਿਕਟ ਬਾਬਾ।
ਸੱਚੀ ਆਖੀ ਗਈ ਗੱਲ ਨਹੀਂ ਬੁਰਾ ਮੰਨੀਂ,
ਡਿੱਗਦੀ ਤੇਰੀ ਵੀ ਜਾਪਦੀ ਵਿਕਟ ਬਾਬਾ।
-ਤੀਸ ਮਾਰ ਖਾਂ
ਦਸੰਬਰ 14, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ